DeVuego GAL

O Camiñante espértase no Primeiro Reino, atópao moribundo,  disgregado, consumido pola Degradación. Unha forma espectral, o seu único guía, rumoréalle: "Eles espéranche no centro de todas as realidades."

Pero o Camiñante non posúe recordos, nin unha voz propia. Só lle queda camiñar, explorar o Primeiro Reino en busca dos Corazóns Primixenios, a chave para alcanzar a súa meta, polo camiño, quizais ache respostas sobre si mesmo e sobre aquilo que ameaza todos os Reinos. Un gran poder dorme no seu interior, pois o Camiñante pronto descubrirá que é capaz de grandes proezas.

O Camiñante pode extraer As Esencias, as ideas que conforman a realidade do reino e os seus habitantes, recompilalas e mesturalas para crear obxectos místicos que lle axuden na súa aventura, e se algo sae mal, poderá usar o Memento Mori, a capacidade de reiniciar o día e aprender dos seus erros.

Pero coidado! Este é o último día do Primeiro Reino, O Camiñante debe estar preparado antes de enfrontarse ao fin da Maraña dos Mundos, e ten moitos camiños para elixir e moitas decisións que tomar. Ti serás a súa conciencia, só de ti depende o final que teña esta historia. A historia de todos nós.