DeVuego GAL

Conta as peripécias dun neno que nunca quería durmir porque non sabía soñar. Unha noite, lendo un libro de contos, quedou por fin a durmir e comezou a soñar. Pero tanto soñou que soñou que soñaba, e así quedou atrapado no labirinto dos soños, onde vive as máis extraordinarias aventuras e desventuras.

A produción pódese ver como unha película, coa particularidade de que é un enorme bucle sen final. Ademais, tamén se pode buscar unha saída e, entón, O labirinto dos soños convértese nunha aventura enigmática, na que cada persoa pode alterar a estrutura lineal da historia e, polo tanto, posibilita que cada un experimente a súa propia versión do film.