DeVuego GAL

Love me or die é a ópera prima do estudio Chaotic Ravens. Un primeiro traballo no que se nota o amor depositado na súa arte pixelada e a súa banda sonora. Con unha historia moi entretida na súa primeira parte. Pero que peca dunha narrativa nada coherente na súa segunda parte. Os fallos de guion son constantes e se estrela na súa parte final, na que nada é coherente.

É un xogo con moito por contar. Ao que quizais lle falta un pouco de pulido, para pechar as cousas que se quedan colgadas nos seus diálogos. Así como os fallos que ten (que non son poucos). Gardar partida é toda unha odisea, e en ocasións non garda ben ou che recarga partida onde lle convén. Hai obxetos cun píxel tan perfeito, que son imposibles de sacar, por moito que passes o punteiro do rato por encima. O teléfono non abre a maioría das veces, e as pausas non son fáciles de facer, nin de reanudar partida cando se quere. Polo demais, é un xogo que entretén e que destaca nos seus temas musicais, sobre todo no de Yuki de solista Idol. Unha aventura gráfica que perde fuelle na súa parte final. Pero que merece darlle unha oportunidade e que, por moito que vaiamos de correveidiles, non resulta repetitiva, algo que é de agradecer.