DeVuego GAL

Retrogalaicos é unha asociación cultural sen ánimo de lucro de ámbito galego fundada no ano 2016 por un grupo de coleccionistas e afeccionados ao lecer electrónico retro, de varias localidades galegas, que ten como obxectivos:

• Promover a conservación do lecer electrónico retro, para evitar que caian No esquecemento.
• Desenvolver actividades que defendan a conservación, restauración e uso de computadores e máquinas de videoxogos, con Especial atención ás máquinas dos 80 e 90, que teñen a consideración de “informática retro”.
• Organizar eventos públicos co fin de dar a coñecer as tecnoloxías de lecer retro ás novas xeracións, para que aprendan de onde vén todo o lecer electrónico que gozan actualmente, e para facer lembrar ás persoas que viviron no seu momento estas máquinas.
• Ensinar mediante talleres e charlas como conservar e restaurar equipos retro, e a creación de novos contidos nestas plataformas (programación, debuxo e música).